پولیس دربار سے خطاب کرتے ہوئے ڈی جی پی نے پولیس اور دیگر فورس کو حال ہی میں منعقد پارلیمانی انتخابات کو خوش اسلوبی کے ساتھ منعقد کرانے پر مبارک باد دی۔
انہوں نے پولیس اور سیکورٹی فورسز کو اس بات کے لئے بھی سراہا کہ انہوں نے ملی ٹنسی کے خلاف زبر دست کارکردگی کا مظاہرہ کیا۔
ڈی جی پی نے جوانوں اور افسران پر زور دیا کہ وہ عوام کے ساتھ ہمدردانہ سلوک اختیار کریں اور جرائم میں ملوث افراد کے ساتھ سختی سے پیش آئیں۔
انہوں نے کہا کہ عوام کے ساتھ مل کر ریاست میں دائمی امن قائم کیا جاسکتا ہے۔
ڈی جی پی نے افسران کے اجلاس کی صدارت کرتے ہوئے ان اضلاع میں سیکورٹی صورتحال کا جائزہ لیا۔
ایس ایس پی شوپیان اور ایس ایس پی پلوامہ نے ڈی جی پی کو متعلقہ اضلاع کے بارے میں موجودہ سیکورٹی انتظامات کے بارے میں جانکاری فراہم کی۔
