مرکزی زیرِ انتظام جموں و کشمیر کے وسطی ضلع بڈگام میں آج ڈائریکٹر جنرل آف پولیس دلباغ سنگھ نے آج پولیس کنٹینمنٹ کا دورہ کیا، اس دوران انہوں نے ضلع میں سیکوریٹی انتظامات کا جائزہ لیا۔
اس دوران کنٹینمنٹ میں ڈی جی پی کے اعزاز میں اُن کو گاڈ آف آنر بھی پیش کیا گیا۔
جوانوں سے بات کرتے ہوئے ڈی جی پی نے پولیس و دیگر حفاظتی عملے کو اپنے فرائض کو صحیح طرح سے انجام دینے پر ان کی ستائش کی۔
وہیں ضلعے میں امن و امان، قانون اور عسکریت پسندی سے نمٹنے کے لیے ڈی جی پی نے تمام حفاظت پر معمور اہلکاروں کی حوصلہ افزائی کی اور ساتھ ہی ان کا کووڈ-19 میں ایک اہم کردار ادا کرنے کے لیے حوصلہ بڑھایا۔
اس دورے میں ڈی جی پی کے ہمراہ ڈی آئی جی ایس کے آر اننت ناگ اتل گوئل، ایس پی بڈگام امود ناگپور دیگر آفسران بھی موجود رہے۔
