شمالی کشمیر کے ضلع کپواڑہ کے مزہل علاقے میں ہفتے کے روز فوج میں کام کر رہے ایک مزدور کی موت ہوگئی۔ اس کی تصدیق پولیس کے اعلی عہدیداروں نے کی۔
اس دوران انہوں نے بتایا کہ 'متوفی مزدور کام کر رہا تھا تبھی اچانک گر پڑا جس سے وہ شدید طور پر زخمی ہو گیا، موقع پر موجود لوگوں نے اسے ہسپتال میں داخل کرایا جہاں علاج کے دوران ہی اس کی موت واقع ہوگئی۔
مذکورہ مزدور کی لاش کو پوسٹ مارٹم کے لئے ڈسٹرکٹ اسپتال ہندواڑہ بھیجا گیا ہے جہاں پوسٹ مارٹم کے بعد ہی اصل موت کا خلاصہ ہوسکے گا۔
متوفی کی شناخت 39 سالہ محمد رفیق شاہ ولد محمد عبد اللہ شاہ ساکنہ رنگ مزہل کپواڑہ کے طور پر ہوئی ہے۔ پولیس اس ضمن میں معاملہ درج کرکے مزید تفتیش شروع کردی گئی ہے۔
