جنوبی کشمیر کے ضلع اننت ناگ میں کوکرناگ ڈیولپمنٹ اتھارٹی سے وابستہ عارضی ملازمین نے انتظامیہ کے خلاف احتجاج کیا۔
کوکرناگ ڈیولپمینٹ اتھارٹی کے عارضی ملازمین کا احتجاج
احتجاج میں شامل عارضی ملازمین نے کہا کہ' ہم پچھلے کافی عرصے سے کوکرناگ ڈیولپمنٹ اتھارٹی میں کام کر رہے ہیں اور ہم حکومت سے گزارش کر رہے ہیں کہ حال ہی میں عائد کردہ ایس آر او 520 کو منسوخ کیا جائے اور 1994 میں جو ایس آر او 64 عمل میں لایا گیا تھا اسکو واپس عائد کیا جائے۔'
ملازمین نے کہا کہ' اس کی ترمیم کسی بھی ملازم کو قابل قبول نہیں ہے۔ احتجاجیوں نے گورنر انتظامیہ سے معاملے میں مداخلت کی اپیل کی ہے۔'
