وفد میں بی جے پی کے مرکزی وزیر روی شنکر پرساد کے علاوہ مختار عباس نقوی، جی کشن ریڈی، شری پد نائک اور رمیش پکھریال بھی شامل ہیں۔
دراصل مرکزی وزیر داخلہ امت شاہ کے اقدام کے تحت مرکزی وزراء کا ایک گروپ 18 جنوری سے جموں و کشمیر کا دورہ کررہا ہے تاکہ آرٹیکل 370 کی دفعات کو منسوخ کرنے کے مثبت اثرات اور اس کے ذریعہ اٹھائے گئے ترقیاتی اقدامات کے بارے میں عوام کو آگاہ کیا جائے۔
ذرائع کا کہنا ہے کہ 'چھتیس مرکزی وزرا 18 جنوری سے چوبیس جنوری تک مرکزی علاقہ کی دونوں ڈویژنوں کے مختلف اضلاع کا دورہ کریں گے اور وزارت داخلہ اس میں کوآرڈینیشن کر رہی ہے۔'
وزیر مملکت برائے داخلہ جی کشن ریڈی نے جموں وکشمیر کے چیف سکریٹری بی وی آر سبرامنیم کو ایک خط لکھا ہے جس میں وزرا کے دورے سے متعلق آگاہ کیا گیا ہے۔
خط میں ریڈی نے کہا کہ وزیر داخلہ شاہ نے خواہش ظاہر کی ہے کہ 'مرکزی وزیر برائے کونسل کے تمام ارکان جموں و کشمیر کا دورہ کریں، جس کا مقصد مجموعی ترقی کے لیے مرکز کی پالیسیوں کی اہمیت کے بارے میں معلومات پھیلانا ہے اور اس کے ساتھ ہی حکومت نے آرٹیکل 370 کی دفعات کو منسوخ کرنے کے مثبت اثرات اور اس کے ذریعہ اٹھائے گئے ترقیاتی اقدامات کے بارے میں آگاہی پھیلائے۔'
