دہلی میں پہلوان ساگر قتل کا معاملہ ابھی حل نہیں ہوا تھا کہ ہریانہ کے روہتک میں ایک اور پہلوان کو گولی مار کر ہلاک کر دیا گیا۔ پہلوان ویش تعلیمی ادارے کے اگرسین اسٹیڈیم میں پریکٹس کر رہا تھا۔ اس دوران دو موٹرسائیکل سوار بدمعاشوں نے فائرنگ کر کے ہلاک کر دیا۔
ہلاک شخص انکش پہلوان روہتک کی وجے نگر کالونی کا رہائشی تھا۔ ویش سنستھا واقع اگرسین اسٹیڈیم میں پریکٹس کر رہا تھا۔ اسی دوران دو موٹرسائیکل سوار نوجوان پہنچے اور اس پر فائرنگ کردی جس کی وجہ سے انکش نے موقع پر ہی دم توڑ دیا۔ واقعے کو انجام دینے کے بعد دونوں موٹر سائیکل سوار موقع سے فرار ہوگئے جس کی اطلاع کے بعد شیواجی کالونی تھانہ پولیس اور ایف ایس ایل کی ٹیم موقع پر پہنچی۔
بتایا جارہا ہے کہ قریب ایک درجن فائرنگ انکش پر کی گئی جن میں سے چھ سے سات گولیاں انکش کو لگیں۔ ابھی تک یہ معلوم نہیں ہوسکا ہے کہ اس قتل کے پیچھے کیا وجہ ہے۔ حالانکہ یہ بھی کہا جا رہا ہے کہ انکش ایک پہلوان ہے، لیکن فی الحال یہ معلوم نہیں ہوا ہے کہ وہ کہاں پر پہلوانی کرتا تھا۔
شیواجی کالونی تھانہ انچارج بلونت سنگھ کا کہنا ہے کہ ابتدائی جانچ میں دو موٹرسائیکل سوار فائرنگ کرنے والے بتائے جا رہے ہیں۔
مزید پڑھیں:
ناردرن ریلوے نے اولمپئن سشیل کمار کو معطل کیا
فی الحال نامعلوم قاتلوں کے خلاف مقدمہ درج کیا گیا ہے۔ ابھی تک یہ معلوم نہیں ہوسکا ہے کہ اس قتل کے پیچھے کیا وجہ تھی۔ پولیس کا دعویٰ ہے کہ ملزم کو جلد ہی گرفتار کرلیا جائے گا۔
