اختر حسین کی سماج وادی پارٹی میں شمولیت

ریاست ہریانہ کے ضلع نوح کے سماجی کارکن اختر حسین جھاروکڑی نے سماج وادی پارٹی میں شمولیت اختیار کی ہے۔

اختر حسین نے پارٹی کے ریاستی صدر سریندر سنگھ بھاٹی کی موجودگی میں پارٹی کی رکنیت اختیار کی۔

اس موقع پر اختر حسین نے کہا کہ 'میں سماج وادی پارٹی کے سیاسی نظریہ سے اتفاق رکھتا ہوں اور اس لیے آج میں پارٹی میں باضابطہ شامل ہو رہا ہوں۔'

واضح رہے کہ چند ماہ بعد ریاست میں اسمبلی انتخابات ہونے ہیں۔ اس سے پہلے اختر حسین کی پارٹی میں شمولیت علاقے کے لوگوں کے لیے اہم خبر بنی ہوئی ہے۔