وزیراعظم مودی نے کہا کہ 'یہاں وزیراعلی وہ بنتے ہیں، جو دہلی میں ٹرک بھر کر لوگوں کو لے آئیں اور وزیراعظم کے گھر کے باہر ناچ گانے کریں اور ان کی تعریف کریں۔ گزشتہ پانچ برسوں میں یہاں کی حکومت اور وزیراعلی کو ٹرک میں لوگوں کو لے جانے کام نہیں کرنا پڑ رہا ہے۔'
انہوں نے ریلی میں کہا کہ 'گزشتہ پانچ برسوں میں کسانوں کی زمین پر رشوت خوری کا کھیل عام تھا، لیکن وہ اب بند ہوگیا ہے۔پانچ برسوں کے بہترین ٹریک ریکارڈ کی بنیاد پر پورا ہریانہ آج بی جے پی کے ساتھ ہے۔'
وزیراعظم نے کہا کہ 'ہریانہ میں گزشتہ پانچ برسوں میں خاندان پرستی اور رشوت خوری جیسی بدعنوانی پر سخت حملہ کیا گیا۔ سرکاری ملازمت میں بندر بانٹ جیسی غلط روایتوں کو ختم کیا گیا۔ ان پانچ برسوں میں بے روزگار نوجوانوں کے ہنر سے لے کر ان کو فراہم کی جانے والی مدد میں اضافہ کیا گیا۔'
انہوں نے مزید کہا کہ وزیراعظم کسان سمان ندھی کا فائدہ ملک کے ہر کسان خاندان کو دینے کا وعدہ کیا تھا۔حکومت کی بنتے ہی اسے نافذ بھی کردیا گیا۔تمام ملک میں ابھی تک اس منصوبے کے تحت 7 کروڑ سے زائد کسان خاندان کو فائدہ مل چکا ہے۔
مودی نے کہا کہ ہماری حکومت نے ایک اور وعدہ کیا ہے، جس میں بڑے پیمانے پر کام کو شروع کیا گیا ہے۔سال 2024 تک جل جیون مشن کے ذریعہ گھر میں پانی پہنچایا جائے گا۔جس کے لیےپورا ملک متحد ہوچکا ہے۔ہریانہ بھی اس میں جوش و خروش سے حصہ لے رہا ہے۔
انہوں نے کہا اس بار پارلیمنٹ کے اجلاس میں متعدد بل منظور ہوگئے ہیں۔گزشتہ چھ دہائیوں سے پارلیمنٹ کے اجلاس میں اتنا کام نہیں ہوا ہے۔
انہوں نے کہا کہ سب کے اعتماد کی طاقت سے ہی زرعت سے لے کر قوم کی حفاظت سے متعلق حکومت فیصلہ لینے میں کامیاب رہی ہے۔دہشت گردی سے مقابلہ کرنا، مسلم خواتین کے حقوق کی حفاظت اور ہمارے ہیلتھ سیکٹر کی بہتری کے لیے مزید قوانین کی تشکیل کی ہے۔
انہوں نے کہا کہ میں ہریانہ کا دورہ بھی تب کررہا ہوں جب مرکز میں بی جے پی اور این ڈی اے کے مدت کار کے 100 دن مکمل ہورہے ہیں۔یہ 100 دن ترقی اور اعتماد کے رہیں ہیں۔ یہ 100 دن فیصلہ، وفاداری اور نیک نیت کے رہیں ہیں۔
مودی نے خطاب کرتے ہوئے کہا کہ آج یہاں روہتک میں تقریبا 600 غریب خاندانوں کو گھر بی دیے گئے ہیں۔ساتھ ہی ایک میگا فوڈ پارک کی سنگ بنیاد بھی رکھی گئی۔
انہوں نے خوشی کا اظہار کرتے ہوئے کہا کہ بیٹی بچاؤ، بیٹی پڑھاؤ مہم کو کامیاب بنانے کے ساتھ یہاں کی بی جے پی حکومت نے بیٹیوں کی تعلیم پر زور دے رہی ہے۔یہاں کے اطراف میں موجود اضلاع میں بیٹوں کی تناسب میں جس طرح اضافہ ہوا ہے، اس کا ذکر تمام ملک میں ہورہی ہے۔
یہاں تقریبا دو ہزار کروڑ روپے کے منصوبوں کے لیے سنگ بنیاد اور افتتاح کیا گیا۔اس میں بیٹیوں کی اعلی تعلیم کے لیے سرسا، پلول، حصار اور نہو میں ڈگری کالج بھی شامل ہیں۔
انہوں نے کہا کہ گزشتہ پانچ برسوں میں ہریانہ بی جے پی کی مرکزی اور ریاستی حکومت کا فائدہ حاصل ہوا ہے۔ماضی میں مرکزی حکومت کی مدد سے ہریانہ میں تقریبا 25 ہزار کروڑ روپے کے بڑے پروجیکٹ پر کام چل رہا ہے۔
انہوں نے کہا کہ ترقی کی راہ پر چلتے ہوئے غریب، مظلوم، استحصالوں اور محرموں کی خدمت کرتے ہوئے عوام کا اعتماد ملتا ہے۔آج کی یہ میٹنگ عوامی اعتماد پر موہر لگا رہی ہے۔
انہوں نے کہا کہ منوہر لال جی کی جن آشیرواد یاترا روہتک میں ختم ضرور ہورہی ہے، لیکن اس سے واضح ہوگیا ہے کہ اس بار بھی ہریانہ کی دعائیں کس کے ساتھ رہیں گی۔
مودی نے کہا کہ روہتک کی میرے اس دورہ کی پیچھے دو اہم مقاصد ہیں۔اول آپ کو ترقی کی نئی منصوبوں کا تحفہ دینا اور دوسرا منوہر لال کو مل رہے زبرست حمایت کا گواہ بننا۔
انہوں نےکہا کہ گزشتہ کچھ مہینوں میں یہ میرا ہریانہ کا تیسرا دورہ ہے۔میں سب سےپہلے تو لوک سبھا انتخاب میں بی جے پی کی دامن میں ہریانہ کی تمام سیٹیں دینے کے لیے تہہ دل سے آپ سب کا شکر ادا کرتا ہوں۔
وہیں ریلی سے پہلے بی جے پی حمایتیوں نے قانون کی خلاف ورزی کرتے ہوئے نظر آئے۔
افسروں نے بتایا کہ وزیراعظم مودی گروگرام میں شیتلا ماتا دیوی میڈیکل کالج، ایک میگا فوڈ پارک، روہتک میں ماڈل ٹاؤن شپ، کرنال میں انڈیگریڈیٹ کمانڈ اینڈ کنٹرول سینٹر سمیت متعدد ترقیاتی منصوبوں کی سنگ بنیاد رکھی۔
