ہریانہ اور راجستھان کے سنہیڑا-جیراہیڑا بارڈر پر تینوں زرعی قوانین کے خلاف کسان تحریک (Farmers Protest) کے چھ مہینے پورے ہونے پر کسانوں نے سیاہ پرچم لہرایا۔ ساتھ ہی احتجاجی مظاہرہ کرتے ہوئے انہوں نے وزیراعظم نریندر مودی کا پتلا نذر آتش کیا۔
واضح رہے کہ پورے ملک میں زرعی قوانین کے خلاف مظاہرے ہو رہے ہیں اور کچھ جگہوں پر لاک ڈاؤن کے باوجود بھی کسان احتجاج کر رہے ہیں۔ تمام تر احتجاجی مظاہروں کے باوجود حکومت کسانوں کے مطالبات پر توجہ نہیں دے رہی ہے۔
حکومت کا کہنا ہے کہ یہ قوانین ہم نے کسانوں کی بھلائی کے لیے بنائے ہیں جبکہ کسانوں کا کہنا ہے کہ یہ قانون ہمارے لیے بربادی کا ضامن ہے۔
اس موقع پر مولانا ارشد میل کھیڑلا، کارکن رشید احمد ایڈوکیٹ، مبارک اٹیرنا، ایڈوکیٹ عزیز اختر، مفتی سلیم قاسمی، قاری اشتیاق، حافظ رونق، شاہد جیرا ہیڑا، علی جان، مبین نہیدا، حبیب الرحمن، عارف شیخ پور، مولانا شریف گنگوانی سمیت متعدد کسان موجود رہے۔
