ریاست ہریانہ کے وزیر اعلیٰ منوہر لال کھٹر نے چرنجیت سنگھ چنی کی قیادت والی پنجاب حکومت کو برخاست کرنے اور وہاں صدر راج نافذ کرانے کا مطالبہ کیا ہے۔Haryana CM Khattar demands President rule in Punjab
وزیر اعظم کی سیکورٹی لیپس پر کھٹر نے الزام لگایا کہ کانگریس حکومت ریاست میں امن و امان کو یقینی بنانے میں ناکام رہی ہے۔ Manohar lal Khattar on Punjab Govt
منوہر لال کھٹر نے ریاستی وزیر داخلہ انل وج اور ریاستی بی جے پی صدر او پی دھنکھڑ سے ملاقات کر ہریانہ کے گورنر بنڈارو دتاتریہ کو راج بھون میں فیروز پور واقعہ کے حوالے سے ایک میمورنڈم پیش کیا۔ Manohar Lal Khattar Meet Anil vij
کھٹر نے بتایا کہ 'ہم نے گورنر کو ایک میمورنڈم پیش کیا ہے جس میں صدر سے پنجاب حکومت کے خلاف سخت کارروائی کرنے کی درخواست کی گئی ہے۔' Action against Punjab Government
منوہر لال کھٹر نے کہا کہ 'میں نے صدر جمہوریہ سے اپیل کی ہے کہ پنجاب حکومت کو برطرف کیا جائے اور یہاں صدر راج نافذ کیا جائے۔' demands President rule in Punjab
چندی گڑھ میں پریس کانفرنس سے خطاب کرتے ہوئے وزیر اعلیٰ منوہر لال کھٹر نے کہا کہ 'نریندر مودی اب تک کے سب سے مقبول وزیر اعظم ہیں۔ انہوں نے ملک کے مختلف مسائل کو حل کیا جو کئی سالوں سے زیر التوا تھے۔ اس لیے کروڑو لوگوں کی دوائیں وزیراعظم کے ساتھ ہیں۔
یہ بھی پڑھیں: PM Modi Rally Cancelled: سکیورٹی وجوہات کی بنا پر مودی کی فیروز پور ریلی منسوخ
واضح رہے کہ 5 جنوری 2022 کو وزیر اعظم نریندر مودی پنجاب کے ضلع بھٹنڈہ پہنچے۔ یہاں سے انہیں راشٹریہ شہید اسمارک جانا تھا لیکن جب وزیر اعظم نریندر مودی کا قافلہ راشٹریہ شہید اسمارک سے تقریباً 30 کلومیٹر پہلے فلائی اوور پر پہنچا تو کچھ مظاہرین نے راستہ روک دیا۔ جس کی وجہ سے مودی کے قافلے کو فلائی اوور پر 20 منٹ تک انتظار کرنا پڑا۔
اسے پی ایم کی سیکورٹی میں بڑی کوتاہی قرار دیا جا رہا ہے۔ وزارت داخلہ نے پنجاب حکومت سے کہا ہے کہ 'اس معاملے میں قصوروار اہلکاروں کے خلاف سخت کارروائی کی جائے۔'
