گجرات میں کووڈ 19 کے مریضوں کی تعداد 5804 ہوگئی

گجرات میں گزشتہ چوبیس گھنٹوں میں کووڈ 19 کے 376 کیسز رپورٹ ہونے کی اطلاع ہے۔

ریاستی محکمہ صحت کے مطابق گجرات میں گزشتہ چوبیس گھنٹوں میں کووڈ 19 کے 376 کیسز رپورٹ ہوئے ہیں۔ اس کے ساتھ ہی ریاست میں کووڈ 19 کے کل مریضوں کی تعداد 5804 ہوگئی ہے۔

محکمہ کے ڈاٹا کے مطابق تقریباً 1195 افراد صحتیاب ہوئے ہیں جبکہ 319 افراد کی موت ہوئی ہے۔

مرکزی وزارت صحت کے مطابق ملک میں گزشتہ چوبیس گھنٹوں میں 2573 نئے کیسز رپورٹ ہوئے ہیں جبکہ 83 افراد کی موت ہوئی ہے۔ اس کے ساتھ ہی ملک میں اب تک کووڈ 19 کے کل مریضوں کی تعداد 42836 ہوگئی ہے۔