احمد آباد میں بھی ایک شاہین باغ جیسا ماحول دیکھنے کو مل رہا ہے کیونکہ یہاں مسلسل گزشتہ 6 روز سے گجرات کے اقلیتی طبقے کے لوگ احتجاجی مظاہرہ کررہے ہیں۔
اجیت مل میں کثیر تعداد میں خواتین متعدد روز سے احتجاج کررہی ہیں۔اور اس احتجاج میں حصہ لینے کے لیے پورے ملک سے لوگ پہنچ رہے ہیں۔
وہیں اس احتجاج میں حصہ لینے کے لیے جامعہ ملیہ کے اسٹوڈنٹ لیڈر آصف اقبال پہنچے۔
اس موقع پر احمدآباد کے مولانا رفیق المرسلین نے کہا کہ حکومت کو پاکستان، بھارت اور بنگلہ دیش کے شہریوں کو بھارتی شہریت دینے سے اچھا ہے کہ پہلے بھارت کے شہری کو شہریت دی جائے ۔بھارت میں انہیں رہنے دیں اور غیر ملکی لوگوں کو یہاں شہریت دینے کی ضرورت ہے۔
وہیں مظاہرین کا کہنا ہے کہ بھارت کے شہریوں نے ہر شہر ہر محلے میں سی اے اے کے خلاف احتجاج کرنا شروع کیا ہے یہ اپنے آپ میں بڑا انقلاب ہے سی اے اے کی وجہ سے بھارتی مایوس ہے کیونکہ اس سے ہمارے آئین پر حملہ کیا جا رہا ہے .
وہیں احتجاج کی شروعات کرنے والے سفیان راجپوت نے کہا کہ جب تک ہماری مانگیں پوری نہیں ہوگی تب تک ہم احتجاج کریں گے اور سی اے اے کے خلاف آواز اٹھاتے رہیں گے۔
واضح رہے کہ سنہ 2002 کے فسادات جھیلنے والی خواتین اور سابرمتی ریور فرنٹ متاثرین خواتین احمد آباد کے اجیت مل میں احتجاج کررہی ہیں
