ملک میں پہلی بار کیلشیم نائٹریٹ اور بورونٹیڈ کیلشیم نائٹریٹ تیار ہورہا ہے ہیں۔ اب تک یہ درآمد کیا جاتا تھا۔ منسکھ منڈاویہ نے ویڈیو کانفرنس کے ذریعے تقریب سے خطاب کرتے ہوئے کہا کہ وزیر اعظم نریندر مودی کی اپیل کے مدنظر کمپنی نے خود کفیل ہندوستان اور خود انحصار زراعت کی طرف یہ فیصلہ کن قدم اٹھایا ہے۔
جی ایس ایف سی نے یہ دونوں مصنوعات پہلی بار ہماچل پردیش کے سولن اور گجرات کے بھاو نگر سے خوردہ مارکیٹ میں لانچ کیا- اس وقت جی ایس ایف سی کے پاس ان دونوں مصنوعات کی سالانہ 10،000 ٹن پیداواری صلاحیت موجود ہے۔ تین ماہ کے اندر ، پیداوار میں سالانہ 15000 ٹن تک اضافے کی توقع ہے۔ جی ایس ایف سی نے 9 سے 12 ماہ میں اسے بڑھا کر 30،000 ٹن کرنے کا منصوبہ بنایا ہے۔
مسٹر منڈاویہ نے کہا کہ یہ ملکی قسم کا کیلشیم نائٹریٹ اور بورونٹیڈ کیلشیم نائٹریٹ درآمد شدہ مواد کی نسبت ملک میں کاشتکاری برادری کے لئے سستی شرح پر معیاری مصنوع ثابت ہوگا۔ انہوں نے بتایا کہ شروع کی جانے والی یہ دو مصنوعات ایف سی او گریڈ کی ہیں اور انہیں حکومت کے محکمہ کھاد کی ایک تسلیم شدہ لیبارٹری نے تصدیق کرلی ہے۔
گذشتہ سال ملک میں 1.25 لاکھ ٹن کیلشیم نائٹریٹ درآمد کیا گیا تھا۔ اس میں سے 76 فیصد چین سے اور باقی ناروے اور اسرائیل سے درآمد کیا گیا تھا۔ اس 1.25 لاکھ ٹن کی کل درآمدی مالیت 225 کروڑ روپے ہے۔ گزشتہ سال خود جی ایس ایف سی نے 4600 ٹن درآمد اور فروخت کیا تھا۔
مزید پڑھیں:
مودی ملکیت کے منصوبے کے تحت پراپرٹی پیپرز تقسیم کرینگے
کیلشیم نائٹریٹ زراعت میں پانی میں ملاکر کھاد کے بطور استعمال ہوتا ہے۔ اس کے علاوہ ، اس کی مصنوعات کو گندے پانی کی صفائی اور سیمنٹ کنکریٹ کی طاقت کو بڑھانے کے لئے بھی استعمال کیا جاتا ہے۔
