وزیراعظم نریندر مودی کی کتاب 'آنکھ آ دھنیہ چھے' کا ترجمہ اردو میں کرنے والی گجرات کی مشہور شاعرہ فہمیدہ صبا ہیں۔ شاعرہ فہمیدہ صبا نے ای ٹی وی بھارت نمائندہ روشن آرا سے بات چیت کرتے ہوئے کہا کہ میرے لیے فخر کی بات ہے کہ میں نے اردو زبان میں وزیراعظم نریندر مودی کی کتاب کا ترجمہ کیا۔
انہوں نے بتایا کہ مصنفہ انجنا سندھیر نے اس کتاب کا ترجمہ ہندی میں کیا تھا اور انہوں نے ہی مجھے اردوزبان میں ترجمہ کرنے کو 2016 میں کہا تھا لیکن میری بیماری اور کچھ پریشانیوں کے سبب اس کتاب کا ترجمہ کرنے میں دو سال لگ گئے اور 2019 میں میں نے اس کتاب کا ترجمہ مکمل کر منظر عام پر پیش کیا۔ جس کا نام 'آنکھ یہ نعمت ہے' رکھا گیا ہے۔
انہوں نے مزید کہا کہ آج وزیراعظم نریندر مودی کی یوم پیدائش پر میں انہیں آنکھ یہ نعمت ہے کتاب خود بطور تحفہ دینا چاہتی ہوں اور ان کو بتانا چاہتی ہوں کہ اردو ادیب اور اردو زبان سے محبت کرنے والے لوگ آپ کی کتاب کو خوب پڑھ رہے ہیں اور آپ کی نظموں کی تعریف کر رہے ہیں۔
