مودی اس موقع پر منعقد یوم اتحاد کی پریڈ میں بھی حصہ لیں گے اور ٹیکنولوجی ڈمونسٹریشن سائٹ بھی جائیں گے۔
بعد میں وہ کیوڑیا میں سیول سروس کے ٹرینیز سے بھی بات چیت کریں گے۔ سنہ 2014 سے ہر برس 31اکتوبر کو اتحاد کےقومی دن کے طورپر منایا جاتا ہے اور لوگ ملک بھر میں منعقد ایکتا دوڑ میں حصہ لیتے ہیں۔
وزیراعظم نے گزشتہ 27اکتوبر کو من کی بات پروگرام میں لوگوں سے بڑی تعداد میں رن فار یونٹی میں حصہ لینے اور ایک بھارت شریشٹھ بھارت کے مقصد کا اشتراک کرنے کی اپیل کی تھی۔
انہوں نے کہا تھا ساتھیوں، جیسا کہ آپ جانتے ہیں 2014سے ہر برش 31اکتوبرکو اتحاد کا قومی دن منایا جاتا ہے۔ یہ دن ہمیں اپنے ملک کے اتحاد، سالمیت اور سلامتی کی ہرقیمت پر حفاظت کرنے کا پیغام دیتا ہے۔
31اکتوبر کو ہر بار کی طرح رن فار یونٹی کا انعقاد بھی کیاجارہا ہے۔ اس میں سماج کے ہر طبقے کے ہر فرقےکے لوگ شامل ہوں گے۔ رن فار یونٹی اس بات کی علامت ہے کہ یہ ملک ایک ہے۔ ایک سمت میں چل رہا ہے اور ایک مقصد کو حاصل کرنا چاہتا ہے۔
