احمدآباد: ریاست گجرات کے احمدآباد میں واقع کریسنٹ اسکول میں مسجد ون موومنٹ اور اسکول فیڈریشن کی جانب سے طلباء کی ہمہ جہت ترقی کے لیے ایک میٹنگ کا اہتمام کیا گیا۔ مسجد ون موومنٹ نے احمد اباد کی کریسنٹ اسکول میں اسکول فیڈریشن کے ساتھ تعلیمی امکانات اور طلبہ کی مجموعی ترقی کی جانب ایک اہم قدم کے طور پر ایک میٹنگ کا اہتمام کیا۔ میٹنگ کا مقصد تعلیمی اداروں کے درمیان تعاون اور ہم آہنگی کو فروغ دینا تھا جس سے بالآخر طلبہ کو فائدہ پہنچے گا۔
مسجد ون کے ایڈوائزری بورڈ کے رکن اویش سریش والا نے اس تعلق سے کہا کہ ہمارا ادارہ تمام پس منظر سے تعلق رکھنے والے طلبہ کی ترقی میں معاونت کے لیے پرعزم ہے۔ اسکول فیڈریشن کے ساتھ تعاون کرکے آنے والی نسل کے روشن مستقبل کی تخلیق ہماری ترجیح ہے۔
مسجد ون مومنٹ کے رکن کوثر علی سید نے کہاکہ مذہبی اداروں اور اسکولوں کی فیڈریشنوں کے درمیان یہ تعاون بہتر تعلیمی مواقع، ذاتی ترقی اور زیادہ جامع تعلیمی ماحول کی صورت میں نتیجہ خیز نتائج برآمد کرے گا۔ کل کے چیلنجوں کا مقابلہ کرنے کے لیے، ہم بہتر طریقے سے نئے خیالات پیدا کر سکتے ہیں۔ طلبہ کے خوابوں کو پورا کرنے کی حکمت عملی تشکیل کر سکتے ہیں۔
یہ بھی پڑھیں:Iman Rally مہسانہ میں پاکی صافی کے سلسلے میں ایمان ریلی کا انعقاد کیا
وہیں اس میٹنگ میں شامل ہونے والی ایجوکیشنسٹ ہمامہ انصاری نے نے کہا کہ "ہم اپنے طلبہ کو تعمیر و ترقی کے مواقع فراہم کرنے کے لیے مسجد ون موومنٹ کے ساتھ مل کر کام کرنے کے لیے پرجوش ہیں۔" یہ کام قابل شتائش ہے۔
