گجرات میں گزشتہ کئی دنوں سے کورونا کے معاملے ہر روز ایک ہزار سے زائد درج کئے جا رہے ہے ایسے میں گزشتہ چوبیس گھنٹوں کے دوران گجرات میں 1159 نئے معاملے سامنے آئے ہیں۔
تاہم اس دوران 22 افراد کورونا کی وجہ سے ہلاک ہوئے ہیں نیز 879 لوگوں کو گزشتہ 24 گھنٹوں کے دوران ہسپتال سے ڈسچارج کیا گیا ہے۔
احمد آباد میں کورونا وائرس شروعات میں بہت تیزی سے بڑھتا نظر آرہا تھا جو اب آہستہ آہستہ کم ہوتا دکھائی دے رہا ہے ۔ وہی دوسری جانب سورت میں کورونا کے قہر میں بہت تیزی سے اضافہ ہوتا نظر آرہا ہے۔
واضح رہے کہ گجرات میں جب سے ان لوک شروع ہوا ہے تب سے کورونا وائرس کے کیسز میں ہر روز ریکارڈ توڑ اضافہ ہو رہا ہے اور اب ہر دن ایک ہزار سے زائد نئے معاملے سامنے آ رہے ہیں۔
گجرات میں کورونا کی کل تعداد 60285 پر پہنچ گئی ہے گجرات میں اب کورونا سے 2418 افراد ہلاک ہوئے ہیں جبکہ صحتیاب ہونے والوں کی کل تعداد 44074 ہے، گجرات میں کورونا وائرس کے ایکٹیو معاملوں کی کل تعداد 13727 ہے۔
محکمہ صحت گجرات کے مطابق گزشتہ 24گھنٹوں میں گجرات میں کورونا کے سب سے زیادہ معاملے سور ت میں271 ہے، احمدآباد میں 157، وڈودرا میں 96، گاندھی نگر میں 37، بھاونگر میں 46، بناس کانٹھا میں 28، راج کوٹ میں 86، سریندر نگر میں 34، پاٹن میں 22 اور امریلی میں 24 معاملے درج ہوئے ہیں۔
