احمدآباد: گجرات کے ساحل سمندر پر آنے والے طوفان بپر جوائے کے تعلق سے ای ٹی وی بھارت نمائندہ روشن آرا نے گجرات حج کمیٹی کے چیئرمین اقبال سید سے فون پر بات چیت کی۔ انہوں نے اس سلسلے میں کہا کہ گجرات سے سفر حج پر جانے والے عازمین کے لیے بہترین انتظامات کیے گئے ہیں۔ احمدآباد ایئر پورٹ سے 4 جون سے 24 جون تک دس ہزار کے قریب عازمین سفر حج پر جانے والے ہیں اور ہر فلائٹ میں 360 ،370 عازمین جدہ کے لیے روانہ ہو رہے ہیں لیکن گجرات پر سمندری طوفان بپر جوائے کے خطرے کو مدنظر رکھتے ہوئے گجرات کے ساحل سمندر پر رہنے والے عازمین سے گزارش ہے کہ وہ جلد از جلد اپنی رپورٹنگ کے لیے وقت سے پہلے حج ہاؤس احمدآباد پہچ جائیں اور متاثرہ علاقوں کے عازمین وقت سے پہلے بھی حج ہاؤس آ سکتے ہیں۔ ان کے رہنے کے لیے حج کمیٹی نے حج ہاؤس میں کافی اچھے انتظامات کیے ہیں۔
یہ بھی پڑھیں:
اس کے علاوہ انہوں نے کہا کہ جس طریقے سے ایک حاجی کے ساتھ 50 رشتہ دار ایئر پورٹ پر چھوڑنے آتے ہیں۔ وہ حاجی اپنے رشتہ داروں کو ایئرپورٹ پر نہ لائیں خود سلامت رہیں اور دوسروں کی بھی حفاظت کا خیال رکھیں۔ واضح رہے کہ 13 سے 18 جون تک عازمین کو قبل از وقت حج ہاؤس اور ایئر پورٹ پہچنے کی اپیل کی گئی ہے۔ اس دوران 8 فلائٹ احمدآباد ایئر پورٹ سے سفر حج کے لیے روانہ ہوں گی۔ جس میں پوربندر، دیوبھومی دوارکہ جام نگر، کچھ، نگر، سوراشٹر اور راجکوٹ کے عازمین کو حج ہاؤس جلدی آنے کی ہدایت دی گئی ہے۔
یہ بھی پڑھیں:
