گجرات میں ہونے والے اس ضمنی انتخابات کو وزیر اعلیٰ وجے روپانی کے کی قائدانہ صلاحیتوں کا امتحان سمجھا جا رہا ہے۔اسی لیے بی جے پی اس ضمنی انتخابات کے لیے بے حد سنجید گی تیاریاں کر رہی ہے۔
آٹھ اسمبلی نشستوں پر ہونے والے اس ضمنی انتخابات کے لیے بی جے پی نے 8 وزراء اور تنظیموں کے 8 لیڈران کی جوڑی بناکر میدان میں اتارا ہے ۔ اس سلسلے میں گزشتہ زور بی جے پی کے گجرات ہیڈ کوارٹر کملم میں بی جے پی کور کمیٹی کی ایک میٹنگ بھی ہوئی تھی۔
اس مٹنگ میں اسمبلی کی 8 نشستوں کے ضمنی انتخابات کے ساتھ ساتھ آنے والے دنوں میں ہونے والے بلدیاتی انتخابات پر بھی غور وخوز کیا گیا تھا۔
مٹنگ میں اس ضمنی انتخابات کے لیے بی جے پی کے 8 وزراء اور تنظیموں کے 8 لیڈران کو ان نشستوں پر جیت حاصل کرنے کے لیے ذمہ داری بھی سونپی تھی جس کے تحت بی جے پی نے بھوپیندر سنگھ چوڑاسما اور کے سی پٹیل کو ابڈاسا، گنپت وساوا اور پرنیش مودی کو ڈانگ، ایشور سنگھ پٹیل اور بھرت پرمار کو کپراڈا کی ذمہ داری بطور آبزرور دی ہے موربی کی سیٹ کے لیے سوربھ پٹیل اور آئی کے جاڑیجا، تاہم وزیر داخلہ پردیپ سنگھ جاڑیجا اور شبد شرن بھرہم بھٹ کو کرجن کی ذمہ داریاں دی گئی ہیں۔
واضح رہے کہ راجیہ سبھا الیکشن کے دوران کانگریس کے 8 ایم ایل ایز نے استعفی دے دیا تھا اور انتخابات کے بعد ان 8 ایم ایل ایز میں سے 5 ایم ایز نے بی جے پی میں شمولیت بھی اختیار کر لی تھی یہ تمام اسمبلی کی نشستیں فی الحال خالی ہیں اس لیے بہت جلد الیکشن کمیشن ضمنی انتخابات کا اعلان کرنے والی ہے۔
