احمدآباد: آل انڈیا مجلس اتحاد المسلمین گجرات کے لیڈران کو ایک کہ بعد ایک پولیس کی طرف سے نشانہ بنایا جا رہا ہے۔ ریاستی صدر صابر کابلی کو پولیس کی طرف سے ہراساں کرنے کے بعد آل انڈیا مجلس اتحاد المسلمین گجرات کے ترجمان دانش قریشی کے گھر 100 سے زائد پولس پہنچی اور ان سے پوچھ تاچھ کی AIMIM leader accuses Gujarat police of harassment۔
انہوں نے کہا کہ کل چار بجے شاہ پور پولس اسٹیشن Shahpur Police Station Ahmedabad کے 100 سے زائد پولس اہلکار میرے گھر پہنچے اور تلاشی کرنے کی بات کرنے لگے۔ میں اس وقت صابر کابلی والا کے کیس میں لگا ہوا تھا مجھے فون گیا اور میں نے ان سے کہا کہ کیوں میرے گھر کی تلاشی لینا ہے؟ تو انہوں نے کہا کہ رتھ یاترا کے مدنظر تلاشی لی جا رہی ہے، تو میں نے کہا کہ ہم کوئی ہسٹری سیٹر یا کریمنل تو ہیں نہیں، ہم تو سیاسی لوگ ہیں تو کیوں ہمارے گھر کی تلاشی لی جائے گی؟
مزید پڑھیں:
انہوں نے کہا کہ اس کے باوجود ان کی تفتیش جاری رہی اور میری اہلیہ سے بھی نام اور دیگر معلومات پوچھا گیا۔ مقامی پولیس کی اس کاروائی کے خلاف ہم گجرات ڈی جی پی سے ملاقات کر قانونی کارروائی کرینگے۔
