ریاست گجرات میں پانچ اموات احمدآباد میں جبکہ چار سورت میں اور ایک ایک بڑودہ اور بناسکانٹھا میں ہوئی ہے۔
اب تک ہوئی کل اموات کی تعداد بڑھ کر 162 ہوگئی ہے جبکہ کل کیسز کی تعداد 3548 ہوگئی ہے۔
قابل ذکر ہے کہ گذشتہ 24 گھنٹوں میں 81 افراد کو صحتیاب ہونے کے بعد ہسپتالوں سے چھٹی بھی دی گئی جن میں 72 احمدآباد اور چار سورت کے ہیں۔ اسی کے ساتھ اب تک صحتیاب ہونے والوں کی تعداد مجموعی طور پر 394 ہو گئی ہے۔
محکمہ صحت کی جانب سے آج شام جاری پریس ریلیز کے مطابق 11 افراد میں سے 7 کو سنگین بیماریاں بھی تھیں۔
نئے کیسز میں احمدآباد کے 197 اور سورت کے 30 ہیں۔ ریاست کے 33 اضلاع میں سے 30 متاثر ہیں۔
