گاندربل: جموں وکشمیر کے ضلع گاندربل کی کھیر بھوانی مندر میں نوراتری کے دنوں میں کشمیری پنڈتوں کا کافی رش ہوا کرتا تھا۔تاہم کشمیری پنڈتوں کے ہجرت کے بعد یہاں کم ہی تعداد میں لوگ نظر آتے ہیں۔
نوراتری کے ایام میں صبح و شام کھیر بھوانی مندر میں پوجا پاٹ ہورہی ہے، جس میں کشمیری پنڈت، سی آر پی ایف کے جوانوں سمیت سیاح یہاں آرہے ہیں اور اس پوجا پاٹ میں شریک ہوکر کشمیر میں امن و امان کے لیے دعائیں کررہے ہیں۔ اس سلسلے میں مندر میں موجود پجاری اور مندر کے منیجر نے نوراتری کے سلسلے میں تفصیلی بات چیت کی۔
اس دوران بنگال کی ایک فیملی جو اب ممبئی میں رہائش پذیر ہیں، نے مندر میں آکر پوجا اور کہا کہ ہم پہلی مرتبہ اس مندر میں درشن کے لیے آئے ہیں اور واقعی میں مندر میں آکر ہمیں لگا کہ ہم لوگ کافی خوش قسمت ہیں جو ہمیں ماتا کے درشن نصیب ہوئے ہیں۔ انہوں نے مزید کہا ہے کہ اگرچہ کشمیر کے بارے میں کافی کچھ سننے میں آیا تھا، لیکن یہاں آکر لگا کہ اگر مہمان نوازی سیکھنا ہے تو کشمیریوں سے سکیھیں ۔ Kheer Bhawani Temple
یہ بھی پڑھیں : PK Pole Visit Kheer Bhawani Temple: صوبائی کمشنر کشمیر نے کھیر بھوانی مندر میں کیے گئے انتظامات کا لیا جائزہ
