گاندربل: سابق ایم ایل اے گاندربل شیخ اشفاق جبار اور سری نگر میونسپل کارپوریشن کے میئر، جنید متو، نے وسطی کشمیر کے گاندربل ضلع کے ناگبل علاقے کا دورہ کیا۔ سابق ایم ایل سے سمیت دیگر سیاسی رہنماؤں، ذی عزت شہریوں نے سرینگر میونسپل کارپوریشن کے میئر کو گاندربل اور سرینگر کی سرحد ناگبل - پاندچھ کراسنگ کو جاذب نظر بنانے کا مطالبہ کیا۔SMC Mayor Visits Nagbal Pandach Crossing
سرینگر میونسپل کارپوریشن کے میئر نے متعلقہ افسران سے ناگبل - پاندچھ کراسنگ کے خستہ حال فوارے کی بحالی اور ایک انٹری گیٹ تعمیر کرنے کی ہدایت جاری کی۔ میڈیا نمائندوں کے ساتھ بات کرتے ہوئے جنید متو نے کہا کہ گاندربل ضلع میں مقدس مذہبی مقامات بشمول کھیر بھوانی، امرناتھ گپھا کے درشن اور دیگر سیاحتی مقامات سے لطف اندوز ہونے کے لیے سیاحوں اور عقیدت مندوں کا تانتا بندھا رہتا ہے۔ انہوں نے کہا کہ ان مقامات کی جانب جانے کے لیے سبھی سیاحوں، مسافرین کو ناگبل - پاندچھ کراسنگ سے ہی گزرنا پڑتا ہے۔SMC Mayor Junaid Mattoo Visits Nagbal Pandach Crossing
سابق ایم ایل اے گاندربل اشفاق جبار نے جنید متو سمیت دیگر افسران کا شکریہ ادا کرتے ہوئے کہا کہ ناگبل - پاندچھ انتہائی اہمیت کا حامل ہے۔ نہ صرف سیاح اور عقیدت مند بلکہ ہر سال لاکھوں مسافرین اسی راستے سے لداخ کی جانب روانہ ہوتے ہیں۔ انہوں نے سرینگر اور گاندربل انٹری پوائنٹ ناگبل - پاندچھ کراسنگ کو جاذب نظر بنائے جانے کے احکامات صادر کرنے پر ایم ایم سی میئر سمیت دیگر عہدیداران کی ستائش کی۔ Gate to be constructed at Nagbal Pandach Crossing
مزید پڑھیں: Clock Tower In Shopian: شوپیاں میں اپنی نوعیت کے منفرد کلاک ٹاور کی تعمیر مکمل
