جموں و کشمیر کے گاندربل ضلع میں سخت لاک ڈاون کے با وجود نالہ سندھ سے غیر قانونی طور پر باجری اور ریت نکالنے کا عمل جاری ہے۔
غیرقانونی ریت نکالنے کا کام جاری
ضلع انتظامیہ سختی سے لاک ڈاؤن نافذ کرانے میں مصروف ہے لیکن نالہ سندھ سے غیر قانونی طور سے ریت نکالنے کا کام کیا جا رہا ہے۔ واضح ہو کہ ضلع انتظامیہ نے اس سے قبل ہی اس طرح سے دریاؤں اور نالوں سے باجری اور ریت نکالنے پر پابندی عائد کر رکھی ہے اور اس کام کے لئے باضابطہ طور پر ایک ٹنڈر سسٹم تیار کیا جارہا ہے لیکن اس کے باوجود مذکورہ نالہ سے مسلسل ریت اور باجری نکالنے کا عمل جاری ہے- مقامی لوگوں نے انتظامیہ سے اپیل کی ہے کہ وہ اس پر کاروائی کرتے ہوئے ریت نکالنے پر پابندی کو یقینی بنائے۔
