ضلع گاندربل کے بملونا اور پانزن علاقے میں کئی کوے مردہ پائے گئے جس کے بعد مقامی لوگ خوفزدہ ہوگئے اور انتظامیہ کو مطلع کیا۔
محکمہ اینمل ہسبنڈری کی ٹیم نے فوری طور علاقے کا دورہ کر کے رہنمایانہ خطوط کی پاسداری عمل میں لاتے ہوئے مردہ پرندوں کو دفن کر دیا۔ جبکہ نمونے اور جانچ کے لیے ایک کوے کو لیباریٹری روانہ کر دیا گیا۔
گاندربل میں ’برڈ فلو کے خدشات‘،کئی پرندوں کی موت
اس موقع پر ذرائع ابلاغ کے نمائندوں سے بات کرتے ہوئے ڈاکڑوں کا کہنا تھا کہ 'لوگوں کو ایسی صورتحال میں گھبرانے کے بجائے فوری طور انتظامیہ کو مطلع کرنا چاہئے۔'
واضح رہے کہ انتظامیہ نے پرندوں کی حادثاتی موت سے متعلق محتاط رہنے اور فوراً اس کی اطلاع دینے کی گزارش کی ہے تاکہ کم سے کم وقت میں ضروری اقدامات کئے جاسکیں۔
اس سے قبل جنوبی کشمیر کے ضلع شوپیاں میں بھی پرندوں کی حادثاتی موت کے بعد جانچ سے برڈ فلو کی تصدیق ہوئی تھی۔
