بالی ووڈ اداکارہ اور رکن پارلیمان ہیما مالینی نے کھیر بھوانی مندر میں حاضری دی

ہیما مالنی نے مندر میں حاضری دے کے کشمیر میں امن اور خوشحالی کے لیے دعائیں کیں۔ کچھ دیر مندر میں ٹھہرنے کے بعد وہاں ان کے مداحوں کا رش لگ گیا لیکن وہ کسی سے بھی نہیں ملی اور سیدھا سرینگر کی طرف چل پڑیں۔

بالی ووڈ کی معروف اداکارہ اور بھارتیہ جنتا پارٹی (بی جے پی) کی موجودہ ممبر پارلیمنٹ اور ڈریم گرل کے نام سے مشہور ہیما مالینی نے آج وسطی کشمیر کے ضلع گاندربل کے تلہ ملہ علاقہ میں قائم کھیر بھوانی مندر میں حاضری دی۔

کشمیری پنڈت برادری کے لئے ماتا کھیر بھوانی مندر انتہائی اہمیت اور عقیدت کا حامل ہے۔ اس مندر میں ہیما مالینی کے دورے کے دوران عقیدت مندوں کا رش دیکھا گیا ہے۔

اس دوران ہیما مالنی نے مندر میں حاضری دے کے کشمیر میں امن اور خوشحالی کےلئے دعائیں کیں، جبکہ کچھ دیر مندر میں ٹھہرنے کے بعد اگرچہ وہاں ان کے پرستاروں کا رش لگا لیکن وہ کسی سے بھی نہیں ملی اور سیدھا سرینگر کی طرف چل پڑیں۔

ہیما مالینی کے اس تاریخی مذہبی مندر کے دورے کے تناظر میں سیکیورٹی کے مناسب انتظامات کیے گئے تھے۔ جبکہ پورے مندر کو گھیرے میں لے کر سیکورٹی کو الرٹ رکھا گیا تھا۔