گاندربل: حکومت کے بیک ٹو ولیج پروگرام فیز 4 (B2V4) کے ایک کڑی کے تحت لوگوں کے مسائل سے واقفیت حاصل کرنے لئے لیفٹیننٹ گورنر کے مشیر راجیو رائے بھٹناگر نے آج کنگن سب ڈویژن کا دورہ کیا۔ گاندربل ضلع اور پنچایت گھر وسن بی کنگن میں منعقدہ B2V4 کے تحت جاری سرگرمیوں میں حصہ لیا۔ پنچایت گھر وسن کے دورے کے دوران مشیر بھٹناگر نے پنچایت کے نمائندوں اور علاقے کے باشندوں متعدد امور پر تبادلہ خیال کیا،انہوں نے مختلف علاقوں کی ترقی اور فلاح و بہبود سے متعلق سرگرمیوں کا جائزہ لیا، اور لوگوں سے اپیل کی کہ وہ B2V4 پروگرام میں زیادہ سے زیادہ شرکت کریں کیونکہ یہ ان ہی کے فلاح و بہبود کے لئے شروع کیا گیا ہے،ایل جی کے مشیر نے علاقے کے باشندوں کے علاوہ افسران سے بھی بات چیت کی، اور سب ڈویژن میں مختلف فلیگ شپ اسکیموں کے تحت جاری ترقیاتی کاموں سے بھی واقفیت حاصل کی۔Back to Village-4 Advisor Bhatnagar tours Ganderbal
اس موقع پر خطاب کرتے ہوئے مشیر بھٹناگر نے پروگرام کے مقاصد پر روشنی ڈالی اور کہا کہ یہ پروگرام دیہی ترقی کے حصول اور سماجی بہبود کی اسکیموں کی 100 فیصد تکمیل کے لیے ایک سنگ میل ہے، انہوں نے مزید کہا کہ مرکزی حکومت اور جموں کشمیر انتظامیہ جموں و کشمیر کو ترقی کی راہ پر لے جانے کے لئے پُر عزم ہے،انہوں نے مزید کہا کہ مختلف ترقیاتی اقدامات پہلے ہی اٹھائے گئے ہیں اور پورے جموں و کشمیر میں امن اور ترقی کو یقینی بنانے کے لیے عام لوگوں کا تعاون ضروری ہے۔
مقامی باشندوں کی طرف سے پوچھے گئے سوالوں کا جواب دیتے ہوئے انہوں نے کہا کہ ایل جی کی قیادت والی انتظامیہ PRIs کو مزید بااختیار بنانے کے لیے پرعزم ہے تاکہ دیہی علاقوں کی مجموعی ترقی کو یقینی بنایا جا سکے، کیونکہ وہ لوگوں کو درپیش مسائل سے بخوبی واقف ہیں۔ انہوں نے عوام کی طرف سے اٹھائے گئے حقیقی مسائل کے ازالے کے لیے متعلقہ محکموں کو ضروری ہدایات بھی دیں۔ اس موقع پر مشیر نے مستحقین کے درمیان پاس بکس، آر بی اے سرٹیفکیٹ، انکم سرٹیفکیٹ، پنشن پاس بکس، بیبی کٹس بھی تقسیم کیا۔ مشیر بھٹناگر نے B2V4 پروگرام کی کارروائی کے دوران تمام شرکاء کو راشٹریہ ایکتا دیوس کا عہد دلا دیا۔ اس موقع پر مشیر بھٹناگر نے مختلف اسکولز کے طلباء کی طرف سے پیش کردہ تھیم پر مبنی ثقافتی پروگرام کا بھی مشاہدہ کیا۔ ضلع انتظامیہ گاندربل کی طرف سے ضلع میں 100% خواندگی کے حصول کے لیے ایک پہل تھی جسے مشیر نے بہت سراہا تھا۔ اس دوران مشیر نے مختلف محکموں کی جانب سے لگائے گئے اسٹالز کا بھی معائنہ کیاا اور عوام کو فراہم کی جانے والی سہولیات اور اسکیموں کے بارے میں دریافت کی۔ بعد ازاں مشیر نے پنچایت گھر ووسن میں انڈور اسپورٹس ایونٹ اور ووسن اسپورٹس گراؤنڈ میں آؤٹ ڈور اسپورٹس ایونٹ کا بھی افتتاح کیا جہاں انہوں نے گرین جے اینڈ کے اقدام کے تحت گراؤنڈ کے اندر شجرکاری مہم کا آغاز کیا۔ مشیر بھٹناگر نے پرائمری اسکول پائین بیلہ وسن کا بھی دورہ کیا جہاں انہوں نے طلباء سے بات چیت کی اور اسکول کی سہولیات اور کام کاج کا بھی معائنہ کیا۔
بعد ازاں مشیر نے ووسن میں فروٹ پلانٹ کی نرسری کا دورہ کیا جہاں انہیں چیف ہارٹیکلچر آفیسر نے یہاں کی جانے والی اہم سرگرمیوں جیسے اعلیٰ معیار کے کاغذی چھلکے اور درمیانے درجے کے اخروٹ کے پودوں کی افزائش، چیری اور سیب کی غیر ملکی اقسام کے بارے میں بتایا۔ انہیں یہ بھی بتایا گیا کہ نرسری کا رقبہ 1.55 ہیکٹر ہے اور نرسری کے اندر 03 سیمی ہائی ٹیک گرین ہاؤسز قائم ہیں۔ بعد ازاں مشیر بھٹناگر نے ڈگری کالج کنگن کا بھی دورہ کیا جہاں انہوں نے زیر تعمیر عمارت اور دیگر انفراسٹرکچر پر پیش رفت کا معائنہ کیا۔ انہوں نے ایگزیکٹو انجینئر آر اینڈ بی کو عمارت کی بروقت تکمیل کی ہدایت کی تاکہ اسے طلباء کے استعمال کے لیے وقف کیا جا سکے۔ مشیر نے افسران کو زمین کی تزئین کا نقشہ تیار کرنے کی بھی ہدایت دی جس میں تمام اجزاء جیسے گراؤنڈ کی ترقی، راستے اور کالج کے چہرے کو اٹھانے کے انتظامات شامل ہیں۔ انہوں نے ان سے کالج میں طلباء کے لیے تمام سہولتیں قائم کرنے کو بھی کہا۔ ڈپٹی کمشنر گاندربل، شیامبیر، سی پی او، ایس ڈی ایم کنگن، اے سی ڈی اور دیگر ضلعی افسران مشیر کے ہمراہ تھے۔
مزید پڑھیں:Advisor RR Bhatnagar visits Bandipora: لیفٹیننٹ گورنر کے مشیر آر آر بھٹناگر کا بانڈی پورہ دورہ
