صوبائی کمشنر جموں نے ترقیاتی کاموں کا جائزہ لیا

ریاست جموں کشمیر کے صوبائی کمشنر برائے جموں نے پہاڑی ضلع ڈوڈہ کے دو روزہ دورے کے دوران کئی ترقیای کاموں کا جائزہ لیا۔

جمعرات کو ڈویژنل کمشنر جموں سنجیو ورما نے ڈوڈہ میں چل رہے کئی ترقیاتی پروجیکٹز کا معائنہ کیا۔ جس دوران ضلع کے مختلف محکموں کے آفیسران نے

صوبائی کمشنر کو ضلع میں چل رہے ترقیاتی کاموں کے بارے میں تفصیلات فراہم کیں جن میں گورنمنٹ میڈیکل کالج بلڈنگ اور ٹرک ٹرمینل قابل ذکر ہیں۔

اس کے علاوہ کمشنر نے ضلع افسران کی ایک میٹنگ بھی طلب کی جس میں سالانہ منصوبوں کے بارے میں بات چیت ہوئی۔

صوبائی کمشنر نے مختلف سیاسی، سماجی اور تجارتی انجمنوں کے نمائندوں کے ساتھ بھی ایک میٹنگ کی۔