پاکستان ہمارے ملک کی یکجہتی پر حملہ نہیں کرسکتا

وزیراعلی اروند کیجری وال نے پاکستان کے سائنس اور ٹکنالوجی کے وزیر چودھری فواد حسن کے دہلی اسمبلی کے انتخابات میں وزیراعظم نریندر مودی کو شکست دینے کی اپیل پر کہا کہ پڑوسی ملک جتنی بھی کوشش کرلے وہ ہمارے ملک کی یکجہتی پر حملہ نہیں کرسکتا ہے۔

چودھری فواد حسن نے دہلی اسمبلی کے انتخابات میں بی جے پی کو شکست دینے کی اپیل کی تھی۔

کیجری وال نے جمعہ کو ٹوئٹ کرکے چودھری فواد حسن کو جواب دیا کہ ’’نریندر مودی جی ہندوستان کے وزیراعظم ہیں۔ میرے بھی وزیراعظم ہیں۔ دہلی کا انتخاب ہندوستان کا اندرونی معاملہ ہے اور ہمیں دہشت گردی کے سب سے بڑے اسپانسروں کی مداخلت برداشت نہیں ہے۔ پاکستان چاہے جتنی کوشش کرلے اس ملک کی یکجہتی پر حملہ نہیں کرسکتا۔‘‘