ایک جانب نئے زرعی قوانین کے خلاف کسانوں کا احتجاج جاری ہے تو وہیں دوسری جانب پرینکا گاندھی نے مظفر نگر میں مہاپنچایت میں کسانوں کے معاملے پر حکومت کو آڑے ہاتھوں لیا۔
پرینکا گاندھی نے کہا کہ 'ہر لیڈر کو یہ سمجھنا چاہئے کہ عوام انہیں فتحیاب کر کے ان پر احسان کرتی ہے اور مجھے اس کا پورا احساس ہے۔'
اترپردیش کانگریس انچارج پرینکا گاندھی
پرینکا نے مزید کہا کہ 'دہلی بارڈر پر مظاہرہ کرنے والے کسانوں کی توہین کی گئی انہیں مارا پیٹا گیا۔ جو کسان اپنے بیٹوں کو ملک کی حفاظت کے لیے سرحد پر بھیجتے ہیں انہیں ان کی بے عزتی کی گئی اور انہیں ذلیل کیا گیا۔'
انہوں نے کہا کہ 'جن کسانوں نے اپنے بیٹوں کو سرحد کی حفاظت کے لیے وقف کیا ہے، حکومت انہیں غدار اور دہشت گرد بول رہی ہے جبکہ وزیراعظم نریندر مودی پارلیمنٹ میں ان کسانوں کا مذاق اڑا رہے ہیں اور انہیں آندولن جیوی کے نام سے پکار رہے ہیں۔'
