دہلی: غازی پور شمشان گھاٹ میں سینکڑوں لاشوں کی آخری رسومات

دہلی میں کورونا سے مرنے والے لوگوں کی تعداد اس حد تک اضافہ ہو رہا ہے کہ لاشوں کی آخری رسومات کھلے آسمان کے نیچے ہی کرنا پڑ رہا ہے۔

دارالحکومت دہلی میں کورونا کیسز میں اضافے کے ساتھ ہی اموات کی تعداد میں بھی اضافہ ہورہا ہے۔گزشتہ 3 دنوں میں 1000 سے زائد افراد کی موت کورونا کی وجہ سے ہوئی ہے۔ مرنے والوں کی تعداد میں اضافے کے بعد اب شمشان گھاٹ میں جگہ کی قلت ہوگئی ہے اور ایسی صورتحال میں کورونا سے ہلاک شدہ افراد کی کھلی جگہوں پر آخری رسومات ادا کی جارہی ہے۔مشرقی دہلی کے غازی پور شمشان گھاٹ کے پارکنگ ایریا میں سینکڑوں افراد کی کھلے آسمان تلے ایک ساتھ آخری رسومات ادا کی جا رہی ہے۔

غازی پور کے شمشان گھاٹ میں پہلے سے ہی 48 شمشان گھاٹ ہیں، لیکن اس کے بعد بھی مرنے والوں کی تعداد میں اضافہ ہو رہا ہے۔ کھلے آسمان میں آخری رسومات کے لیے پڑی لاشوں کی تصاویر دماغ کو پریشان کررہی ہیں۔