دارالحکومت دہلی میں سپریم کورٹ نے غیر قانونی ریت کان کنی کے سلسلے میں بدھ کو راجستھان حکومت کی سززنش کرتے ہوئے ریاست میں بڑے پیمانے پر غیر قانونی ریت کان کنی پر روک لگانے کے لیے فوراً قدم اٹھانے کی ہدایت دی ہے۔
چیف جسٹس شرد اروند بوبڈے کی صدارت والی بینچ نے ریاستی حکومت، کلکٹرز اور پولیس سپرنٹنڈنٹز کو غیر قانونی کان کنی پر روک کے لیے فوری طور پر قدم اٹھانے کو کہا ہے۔
واضح رہے کہ عدالت نے ریاستی حکومت کو چار ہفتے کے اندر رپورٹ سونپنے کی بھی ہدایت دی ہے۔
سپریم کورٹ نے مرکزی اختیاراتی کمیٹی (سی ای سی) کو راجستھان میں غیر قانونی کان کنی معاملے کی جانچ کرنے کی ہدایت دی اور چھ ہفتے کے اندر اپنے مشوروں کے ساتھ رپورٹ پیش کرنے کو کہا۔
سپریم کورٹ کے چیف جسٹس بوبڑے نے کہا کہ 'ریت کان کنی کی وجہ سے ماحولیات کو ناقابل تلافی نقصان ہورہا ہے'۔
خیال رہے کہ عدالت راجستھان میں غیر قانونی ریت کان کنی کے سلسلے میں کئی عرضیوں کی مشترکہ سماعت کررہی ہے۔
