مرکزی حکومت کو عدالت عظمیٰ کا نوٹس

عدالت یہ جاننا چاہتی ہے کہ کہ حکومت سوشل میڈیا کو ریگولرائز کرنےکے لئے کیا کوئی رہنما ہدایات طے کر رہی ہے۔

سپریم کورٹ نے فیس بک اور واٹس ایپ کو آدھار سے لنک کرنے سے متعلق مرکزی حکومت سے جواب طلب کیا ہے۔

جسٹس دیپک گپتا کی صدارت والی بینچ نے مرکزی حکومت کو نوٹس جاری کرکے جواب طلب کیا ہے کہ کیا وہ سوشل میڈیا کو ریگولرائز کرنے کےلئے کوئی گائڈلائن بنا رہی ہے۔

جج نے معاملے کی اگلی سماعت کے لئے 24ستمبر کی تاریخ مقرر کی ہے۔

خیال رہے کہ فیس بک اور واٹس ایپ نے عرضی داخل کرکے ملک کے کے الگ الگ ہائی کورٹ میں زیر التوا عرضیوں کو سپریم کورٹ میں منتقل کرنے کی اپیل کی ہے۔

مدراس ،ممبئی، اور مدھیہ پردیش ہائی کورٹ میں اس موضوع سے متعلق کئی عرضیاں زیر التوا ہیں۔

عرضیوں میں یہ مطالبہ کیاگیا ہے کہ فیس بک اور دیگر سوشل میڈیا کو آدھار سے جوڑا جائے تاکہ پوسٹ لگانے والے کی پہچان کرنا آسان ہوسکے۔