معروف گلوکار دلیر مہندی سے خصوصی گفتگو

پنجابی گلوکار دلیر مہندی، نیشنل میوزیم میں گرو نانک دیو کی زندگی پر مبنی نمائش میں پہنچے۔ انہوں نے کہا کہ 'ملک میں جاری کشیدہ ماحول میں، یہ بہت ضروری ہے کہ گرو نانک دیو کی تعلیمات کو زندہ کیا جائے۔'

گرو نانک دیو جی کی زندگی پر مبنی نمائش کے موقع پر پنجابی گلوکار دلیر مہندی بھی نیشنل میوزیم پہنچے۔ یہاں دکھائی جانے والی تمام چیزوں کا تعلق گرو نانک دیو جی کی زندگی سے ہے۔

اس موقع پر معروف پنجابی گلوکار دلیر مہندی نے کہا کہ 'ان دنوں ملک بھر میں کشیدہ اور انتشار کی کیفیت میں ایک رہنمائی کی ضرورت ہے تاکہ لوگ محبت اور ہم آہنگی کے ساتھ زندگی گزار سکیں۔'

انہوں نے کہا کہ 'آج کے دور میں ملک میں مذہب کے نام پر جو افراتفری پھیلی ہے، اس موقع پر گرو نانک دیو جی کی تعلیمات کو اپنانا ضروری ہے، جو تمام مذاہب کا احترام سکھاتے ہیں اور کہتے ہیں کہ ہم پہلے انسان ہیں اور باقی مذہب یا ذاتیں سب بعد میں آتی ہیں۔'

آج کے نوجوان نسل کو ملک کا مستقبل کہا جاتا ہے، لیکن یہ نوجوان نسل باہمی اختلافات اور مختلف نقطہ نظر کی وجہ سے متحد ہونے کی بجائے تقسیم ہوتی جارہی ہے۔

ایسی صورتحال میں، ملک کہاں جارہا ہے، یہ باعث تشویش ہے۔ اس صورتحال پر اپنی رائے دیتے ہوئےکہا کہ مذہب کے نام پر آپس میں لڑنے کے بجائے اگر سب ماحولیاتی تحفظ پر توجہ دیں تو نہ صرف ملک بلکہ اس زمین کو بھی خوبصورت بنایا جاسکتا ہے۔