ممبئی شیو سینا کے مرکزی وزیر اروند ساونت کے استعفی کے بعد پارٹی نے آج کہا کہ پارلیمنٹ اجلاس سے قبل کل اتوار کو نئی دہلی میں ہونے والی این ڈی اے کی میٹنگ میں شیو سینا کے ممبران پارلیمنٹ شرکت نہیں کریں گے۔
پارٹی کے ممبر پارلیمنٹ سنجے راوت نے آج یہاں نامہ نگاروں سے بات چیت کرتے ہوئے کہا کہ ہم میٹنگ میں شامل نہیں ہوں گے۔
اس معاملے میں ریاستی بی جے پی کے ترجمان مادھو بھنڈاری سے جب سوال کیا گیا تو انہوں نے کوئی تبصرہ کرنے سے انکار کیا۔
انہوں نے میڈیا سے کہا کہ شیوسینا سے پوچھے کہ وہ این ڈی اے کی میٹنگ میں حصہ کیوں نہیں لے گا۔
