ایس اے ڈی کی دہلی یونٹ کے صدر منجندر سنگھ سرسا نے فہرست میں مسٹر کمل ناتھ کے نام پر سخت اعتراض ظاہر کیا اور ٹویٹ کر کے انتخابی مہم کے دوران احتجاج کرنے کا اعلان کیا۔
مسٹر سرسا نے کہا کہ کمل ناتھ کو کانگریس کے اسٹار کمپیئنر کی فہرست میں شامل کیا گیا ہے۔ وہ بھی دہلی میں 35 سال پہلے ہوئے سکھوں کے قتل عام میں ملوث تھے۔ انہوں نے کہا کہ ’’گرودوارہ ركاب گنج صاحب کے باہر معصوم سکھوں کو مارنے کے لئے کمل ناتھ نے کانگریسی غنڈوں کی قیادت کی تھی‘‘۔
ایس اے ڈی دہلی کے صدر نے کہا کہ گاندھی خاندان ہماری کمیونٹی، پر ظاہر کرتی رہی ہے کہ وہ سکھوں کے زخموں کی فکر نہیں کرتی ہے۔ انہوں نے دہلی کے شہریوں سے کانگریس کا مکمل طور پر بائیکاٹ کرنے کی اپیل کرتے ہوئے ووٹروں سے درخواست کی ہے کہ وہ پارٹی کے تمام امیدواروں کی دہلی کی سیٹوں پر ضمانت ضبط کرانے میں مدد کریں۔
