دہلی میں سنیچر کو مسلسل دسرے دن شام کے وقت تیز ہواؤں کےساتھ رم جھم بارش ہوئی۔ جس سے موسم کافی خوشگوار ہوگیا۔ بارش ہونے سے تپتی گرمی سے لوگوں کو راحت ملی۔ درجہ حرارت میں بھی کمی واقع ہوئی ہے۔
دہلی اور قومی دارالحکومت خطہ میں گزشتہ کئی دنوں سے لوگوں کو سخت گرمی اور لو کا سامنا کرنا پڑ رہا تھا اور درجہ حرارت 40 ڈگری سیسلیس کے آس پاس برقرار تھا لیکن دو دنوں سے شام کو ہورہی بارش سے لوگوں کو راحت ملی ہے۔
یہ بھی پڑھیں:
دہلی میں سنیچر کی صبح درجہ حرارت 24.1 ڈگری سیلسیس درج کیا گیا جو اس موسم میں معمول سے 4 ڈگری کم ہے۔ صبح ساڑھے آٹھ بجے نمی کی سطح 74 فیصد تھی اور گزشتہ 24 گھنٹوں کے دوران شہر میں 19 ملی میٹر بارش درج کی گئی۔
یو این آئی۔
