ایسے میں بھارتی ریلوے کی جانب سے ان لوگوں کے لیے جو دارالحکومت دہلی میں پھنسے ہوئے ہیں، ان کی پریشانی کو دیکھتے ہوئے آج سے 15 مخصوص ٹرینوں کو چلانے کا آغاز کیا ہے۔
اس میں آٹھ ٹرینیں روزانہ نئی دہلی ریلوے اسٹیشن سے روانہ ہوں گی، جبکہ کچھ ٹرینیں ہفتے میں دو بار یا تین بار ہی چلائی جائیں گی۔ تمام ٹرینوں کو اپنے مخصوص روٹ پر ہی چلنی اور رکنے کی اجازت ہوگی۔
ملک کے مختلف حصوں میں پھنسے ہوئے ان لوگوں کے لیے یہ ایک بڑی راحت ہے جو اپنے گھر جانا چاہتے ہیں، لیکن لاک ڈاؤن نافذ ہونے کی وجہ سے کسی دوسری ریاست میں پھنس گئے تھے۔
ای ٹی وی بھارت کے نمائندے نے ایسے ہی کچھ لوگوں سے بات کی جنہوں نے بتایا کہ وہ 50 روز سے دہلی میں پھنسے تھے اور اب انہیں موقع ملا تو انھوں نے اس کو ضائع نہ کرتے ہوئے فوری آن لائن لائن ٹکٹ بک کرلیا، اب وہ یہاں سے جھانسی جائیں گے اور وہاں سے تین سو کلومیٹر کا راستہ پیدل طے کریں گے۔
