قومی دارالحکومت دہلی میں کسانوں کے احتجاج اور کورونا کے بڑھتے کیسیز کی وجہ سے دہلی میٹرو میں سفر کرنے والے مسافروں کی تعداد اتوار کی چھٹی کے باوجود نہ کے برابر رہی۔
دہلی میٹرو میں مسافروں کی تعداد انتہائی کم
نوئیڈا کے باٹنیکل گارڈن سے چل کر شاہین باغ اور جامعہ ہوتے ہوئے جنک پوری جانے والی میجینٹا لائن کا بھی یہی حال ہے۔ جہاں میٹرو اسٹیشن پر چلنا مشکل ہوتا تھا، اترنے اور چڑھنے والے مسافروں کی کشمکش، سیٹ پر بیٹھنے کی تگ و دو آج کل غائب سی ہو گئی ہے۔ ہر روٹ پہ یہی صورت حال ہے۔
پہلے کورونا کی وجہ سے تمام اصولوں پر عمل آوری اور سوشل ڈسٹینسنگ و دیگر عوامل کی وجہ سے مسافروں کی تعداد کم تھی۔لیکن کسانوں کے احتجاج کی وجہ سے جمعرات اور جمعہ کو نوئیڈا میں بلو لائن کے دروازے بند تھے
وہیں ہریانہ میں بھی میٹرو کی خدمات متاثر تھیں، جس کی وجہ سے میٹرو میں مسافروں کی تعداد انتہائی کم رہی۔
