بی جے پی نے اقوام متحدہ کے جنرل اسمبلی میں پاکستان کے وزیر اعظم عمران خان کے خطاب پر نکتہ چینی کی اور کہا کہ 'عمران خان کی تمام باتیں جھوٹی ہیں'۔
اس معاملے پر ای ٹی وی بھارت نے بی جے پی کے ترجمان ظفر الاسلام نے بات کی۔
اس دوران انہوں نے کہا کہ 'پاکستان ہمیشہ سے جھوٹ بولتا رہا ہے اور اس بار بھی اقوام متحدہ کی جنرل اسمبلی کا عمران خان نے غلط استعمال کیا ہے'۔
ظفر الاسلام نے کہا کہ 'ایسا لگتا ہے کہ عمران خان پاکستان سے نہیں بلکہ ٹیررستان سے آتے ہیں، وہ کئی بار دہشت گردی کو صحیح ثابت کرتے ہوئے نظر آئے'۔
انہوں نے کہا کہ 'عمران خان نے جنرل اسمبلی میں کہا کہ 'کشمیر میں اقلیتوں کے ساتھ ظلم و ستم کیا جارہا ہے، جبکہ اگر دیکھا جائے تو پاکستان میں اقلیتوں کے ساتھ سب سے زیادہ ظلم ہوتا ہے، وہاں اقلیتوں کی تعداد 23 فیصد ہوا کرتی تھی لیکن اب وہ گھٹ کر تین فیصدی ہوگئی ہے'۔
ظفر الاسلام نے کہا کہ 'پاکستان نے متعدد کوششیں کی ہے کہ کشمیر کو بین الاقوامی سطح پر ایک موضوع بنایا جائے اور اس پر سیاست کی جائے، لیکن بھارت کے وزیراعظم نریندر مودی نے ایسا ہونے نہیں دیا۔ وزیراعظم نے وہاں کسی بھی منچ سے کشمیر کا نام نہیں لیا ہے'۔
انہوں نے کہا کہ 'وزیراعظم نریندر مودی نے بھارت کے پہلو کو مضبوطی سے پیش کیا اور اب پاکستان کی اس بیان سے دنیا گمراہ نہیں ہونے والی ہے'۔
