نریندر سنگھ تومر نے کہاکہ وزیراعظم کی قیادت میں مرکزی حکومت نے گزشتہ ساڑھے سات برسوں میں کسانوں کی فلاح و بہود اور زراعت شعبہ میں بہتری کے لئے کئی تاریخی اقدامات کئے ہیں۔ کاشتکاروں کی آمدنی مضبوط بنانے کے لئے چھ ہزار روپے سالانہ پردھان منتری کسان سمان ندھی Kisan Samman Nidhi فراہم کی جارہی ہے۔ قدرتی آفت سے فصل کو نقصان کی حالت میں پردھان منتری فصل بیما یوجنا Pradhan Mantri Fasal Bima Yojana کسانوں کے لئے ایک بڑی راحت بن کر سامنے آئی ہے۔ ایک لاکھ کروڑ روپے کے ایگریکلچر افراسٹرکچر فنڈ کے قیام اور دس ہزار فارمر پروڈیوسر تنظیموں کے قیام سے زراعت شعبے میں بڑی اختراعات کی جارہی ہیں۔
مرکزی وزیر زراعت نے کہاکہ سوامی ناتھن کمیٹی کی رپورٹ 2006میں آئی تھی لیکن کانگریس کی اس وقت کی حکومت نے اسے نافذ کرنے بجائے دبائے رکھا، وزیراعظم کی قیادت میں سوامی ناتھن کمیٹی کی سفارشات کو کسانوں کے مفاد میں نافذ کرنے کا کام کیا گیا ہے۔
یہ بھی پڑھیں:
