نائب وزیر اعلیٰ اور عام آدمی پارٹی کے سینئر رہنما منیش سسودیا نے ٹویٹ میں کہا ’اس سنگین صورتحال کو دیکھتے ہوئے قومی دارالحکومت کے جنوبی دہلی کے ضلع اوکھلا ، جامعہ نگر، نیو فرینڈس کالونی علاقے کے تمام اسکول بند رکھے جائیں گے‘۔
گذشتہ روز جنوبی دہلی کے جامعہ ملیہ اسلامیہ کے طلبا کے ذریعہ شہریت ترمیمی ایکٹ کے خلاف مظاہرہ کیا جارہا تھا پولیس کی لاٹھی چارج کے بعد پرتشدد رخ اختیار کرلیا گیا۔ اس دوران دہلی پولیس نے مظاہرین پر آنسو کے گولے داغے اور لاٹھی چارج کیا۔ دہلی ٹرانسپورٹ کارپوریشن کی کچھ بسوں کو بھی نذر آتش کیا گیا۔ جسے دیکھتے ہوئے آج جامعہ نگر کے تمام تعلیمی ادارے کو بند رکھنے کے احکامات جاری کیے گئے ہیں۔
