مسٹر مودی نے دہلی کی غیرقانونی بستیوں کو ریگولرائز کرنے کے فیصلے پر ریزیڈنٹس ویلفیئر کمیٹیوں اور بی جے پی کارکنوں کے ساتھ بات چیت کے ایک پروگرام سے خطاب کرتے ہوئے جمعہ کو یہ بات کہی۔پردھان منتری آواس میں منعقدہ اس پروگرام میں شہری ترقیات اور غریبی خاتمہ کے مرکزی وزیر ہردیپ سنگھ پوری، دہلی بی جے پی کے صدر منوج تیواری سمیت دہلی کے ساتوں اراکین پارلیمان موجود تھے۔ مرکزی کابینہ نے حال ہی میں اس سلسلہ میں فیصلہ کیا تھا۔
اگلے برس فروری میں ہونے والے دہلی اسمبلی انتخابات کے لئے ایک طرح سے تشہیر کی شروعات کرتے ہوئے مسٹر مودی نے کہاکہ جب 2014میں ہماری حکومت بنی تب سے ہم اس کے لئے ایسے راستے تلاش کررہے تھے۔ کچھ امید تھی کہ مقامی حکومتیں کچھ ذمہ داری اٹھائیں گی لیکن تمام کوششیں تمام تجربات کہیں نہ کہیں الجھتے رہے۔ آخر کار یہ طے کیا کہ کوئی کرے یا نہ کرے ہم اسے کئے بنا نہیں رہ سکتے۔
