اے ڈی جے فرسٹ کورٹ میں پی ایف آئی اسٹوڈنٹ ونگ آرگنائزیشن کے جنرل سکریٹری رؤف شریف کی ضمانت پر سماعت ہوگی۔ پچھلی تاریخ کو عدالت میں دستاویزات کی عدم موجودگی کی وجہ سے ان کی ضمانت پر سماعت نہیں ہوسکی۔ رؤف شریف پر الزام ہے کہ وہ بیرون ملک سے فنڈ لے رہے تھے اور ہاتھرس میں فرقہ وارانہ تشدد پھیلانے کی سازش کر رہے تھے۔ کیرالہ کے رہائشی رؤف شریف 'بی' وارنٹ پر عدالتی تحویل میں ضلعی جیل میں بند ہیں۔
پاپولر فرنٹ آف انڈیا (پی ایف آئی) کے چار ارکان سے ایس ٹی ایف کی ٹیم نے گہری پوچھ گچھ کی جنہیں گذشتہ سال ضلع کے ٹول پلازہ پر گرفتار کیا گیا تھا۔ پی ایف آئی کے ممبر عتیق الرحمن اور مسعود سے پوچھ گچھ کے دوران فساد کو بھڑکانے کے لئے مالی مدد فراہم کرنے میں رؤف شریف کا نام سامنے آیا۔ رؤف پر بیرون ملک سے فنڈ لے کر فسادات کی سازش کرنے کا الزام ہے۔ فی الحال رؤف شریف ڈسٹرکٹ جیل میں 14 روزہ عدالتی تحویل میں ہیں۔
نوئیڈا ایس ٹی ایف کی ٹیم پی ایف آئی کے گرفتار اراکین کے معاملے کی تحقیقات کر رہی ہے۔ پی ایف آئی کے پانچ اراکین عتیق الرحمان، عالم، مسعود، صدیقی کپن اور رؤف شریف جیل میں ہیں۔
