نئی دہلی: دہلی کے وزیر اعلی اروند کیجریوال نے پریس کانفرنس کر کے کہا کہ بہت سارے دہلی کے باشندے مفت بجلی لینے سے منع کر رہے ہیں۔ جس کو دیکھتے ہوئے اب دارالحکومت میں بجلی سبسڈی کے نظام میں تبدیلی کی جائے گی۔ انہوں نے کہا ہے کہ فی الحال دارالحکومت میں دی جانے والی بجلی کی سبسڈی یکم اکتوبر 2022 سے تبدیل کی جائے گی۔ اب سبسڈی ان لوگوں کو دی جائے گی جو اس کا مطالبہ کریں گے Statement of AAP Convener Arvind Kejriwal on electricity۔
کیجریوال نے کہا کہ دہلی میں سستی بجلی اختیاری ہوگی یعنی اگر کوئی بجلی صارف بجلی سبسڈی چاہتا ہے، تو اسے سبسڈی والی مفت بجلی ملے گی لیکن اگر کوئی خود کو صاحب حیثیت سمجھتا ہے تو وہ دہلی حکومت کو بتا سکتا ہے کہ وہ بجلی کی سبسڈی نہیں چاہتا اور عام شرح پر بجلی استعمال کر سکتا ہے۔
مزید پڑھیں:
- افسوس! وزیر اعظم کو فلم ڈائرکٹر کے چرنوں میں شرن لینا پڑا: کیجریوال
- 2022 Jahangirpuri Violence: جہانگیرپوری میں انہدامی کارروائی سے غریب عوام بیروزگار
بتا دیں کہ دہلی میں اقتدار میں آنے کے بعد سے عام آدمی پارٹی کی حکومت دہلی کے لوگوں کو 200 یونٹ تک مفت بجلی دے رہی ہے۔ صارفین کو فی الحال 200 یونٹ تک کوئی بل ادا کرنے کی ضرورت نہیں ہے، جب کہ 201 سے 400 یونٹ ماہانہ بجلی استعمال کرنے پر 800 روپے سبسڈی ملتی ہے۔ جس کی وجہ سے معاشی طور پر کمزور طبقے کے لوگوں کو بڑی راحت مل رہی ہے۔
