حذیفہ کے والدین نے جمعیۃ کے ریلیف کیمپ کو گزیشتہ روز اطلاع پہنچائی کہ 8مارچ کی صبح حذیفہ خود گھر واپس آیا،مگر اس پر غنودگی طاری تھی، وہ اپنے پر بیتے حالات بیان نہیں کرپارہا ہے۔
قابل ذکر ہے کہ اسی بچے کے لئے جمعیۃ کی جانب سے دہلی ہائی کورٹ میں عرضی دائر کی تھی جس پر جسٹس سدھارتھ مریڈول اور جسٹس آئی ایس مہتا کی ڈویژن بنچ نے فوری شنوائی کرتے ہوئے دیال پور تھانہ کے ایس ایچ او،تارکیشور سنگھ کو ہدایت دی تھی کہ وہ 11مارچ سے قبل عدالت میں اسٹیٹس رپورٹ داخل کرے۔
جمعیۃ کے ذریعہ فراہم کردہ اطلاع کے مطابق حافظ حذیفہ دہلی فساد سے دو دن قبل22فروری سے ہی غائب تھا،
وہ آخری بار ٹیوشن پڑھنے کے لیے اپنے گھر مصطفی آبا د سے نکلا تھا اور والدہ کو یہ کیہ کر گیا تھا کہ وہ ٹیوشن کے بعد جامع مسجد میں نماز ادا کرے گا۔
لیکن اس دن سے اس کا کچھ پتہ نہیں تھا۔
وہیں دو دن بعد دہلی میں فساد بھڑک اٹھا،پنتیس کلو میٹر دور نریلا میں رہنے والے حافظ ہارون کے لیے گھر آنا مشکل ہو گیا۔
جب صور ت حال تھوڑی بہتر ہوئی تو ان کے والدین نے جی ٹی بی، ایل این جے پی اور رام منور لوہیا سمیت سبھی ہسپتال گئے، مگر وہ نہیں ملا۔لیکن اب بچہ خودگھر پہنچ گیا۔
