اسی انسانی زنجیر میں شامل ہونے کے لیے جب معروف ایڈووکیٹ پرشانت بھوشن اور یوگیندر یادو دہلی گیٹ پر ترنگا لیے پہنچے تو پہلے پولیس نے انہیں آگے بڑھنے سے ہی منع کر دیا لیکن کچھ بحث کرنے کے بعد جب انہوں نے کہا کہ ہم بابائے قوم مہاتما گاندھی کی یوم وفات کے موقع پر انہیں خراج عقیدت پیش کرنا چاہتے ہیں اور قومی ترانہ گانہ چاہتے ہیں تب انہیں آگے بڑھنے دیا گیا۔
لیکن جیسے ہی قومی ترانہ ختم ہوا تبھی دہلی پولیس نے پیرا ملٹری فورسز کی مدد سے انہیں حراست میں لیتے ہوئے ایک بس میں لے گئے۔
یوگیندر یادو کے ساتھ ان کے حامیوں کو حراست میں لیکر ہری نگر پولیس اسٹیشن لے جایا گیا۔
واضح رہے کہ یہ انسانی زنجیر راج پتھ سے شروع ہونی تھی اور دریا گنج، جامع مسجد، ہنومان مندر، دہلی گیٹ جیسے مختلف علاقوں سے ہو کر گزرنی تھی لیکن پولیس نے اس انسانی زنجیر کو بننے کی اجازت نہیں دی تھی۔
بعد میں دہلی میٹرو کی جانب سے مختلف اسٹیشن بند کیے گئے۔
