دہلی کے شمال مشرقی خطہ میں ہوئے فسادات میں ایک خاص طبقہ کے خلاف کیا گیا قتلِ عام پر سی پی آئی ایم رہنما برندا کرات نے کہا کہ یہ فساد شاہین باغ میں جاری پر امن احتجاج کو بدنام کرنے کی حیثیت سے کیا گیا تھا۔
سابق رکن پارلیمان برندا کرات نے ای ٹی وی بھارت کے نمائندے سے بات کرتے ہوئے کہا کہ آج کپل مشرا، پرویش ورما انوراگ ٹھاکر جیسے لوگ ہی ملک کی پر امن فضا میں زہر گھولنے کا کام کر رہے ہیں۔
انہوں نے کہا کہ یہ تمام لوگ ملک میں دہشتگردی پھیلانے کا ایک چہرہ بنتے جا رہے ہیں، جو ملک کی سالمیت کے لیے خطرہ ہے۔
انہوں نے کہا کہ ان پر پولیس کوئی کارروائی نہیں کرے گی کیونکہ انہوں نے اپنے جسم پر زعفرانی لبادہ اوڑھا ہوا ہے، اس لیے انہیں اجازت ہے کہ وہ بھگوان کے نام پر لوگوں کے درمیان نفرت پھیلانے کا حق رکھتے ہیں۔
برندا نے مزید کہا کہ دہلی کے وزیراعلیٰ ہاتھ میں کچھ نہیں تھا لیکن جو کچھ وہ کر سکتے تھے انہوں نے وہ بھی نہیں کیا۔
