ملک بھر میں کورونا وائرس کے بڑھتے کیسز کو دیکھتے ہوئے مرکزی حکومت نے تمام ریاستوں کے ضلع کو تین زون میں تقسیم کیا ہے۔ وہیں قومی دارالحکومت دہلی کے تمام 11 اضلاع کو ریڈ زون میں شامل کیا گیا ہے۔
بتادیں کہ 'مرکزی حکومت کی طرف سے جاری کردہ فہرست میں دہلی کے تمام 11 اضلاع کو ریڈ زون میں شامل کیا گیا ہے۔'
محکمہ صحت کے سکریٹری پریتی سودن کے مطابق 'اب ریکاوری کی شرح آہستہ آہستہ بڑھ رہی ہے۔ ایسے میں تمام اضلاع کو زون کے مطابق تقسیم کردیا گیا ہے۔'
ساتھ ہی اروناچل پردیش، دادر نگر حویلی، دمن اور دیو، گوا، لکش دیپ، منی پور، میزورم ناگالینڈ اور سکم کو گرین زون میں رکھا گیا ہے۔
واضح رہے کہ 'ابھی تک دہلی میں کورونا انفیکشن کے 3515 کیسز درج کئے گئے ہیں۔ جن میں سے 59 کی موت ہو چکی ہے۔'
