رندیپ سنگھ سرجے والا نے ٹویٹ کرتے ہوئے یہ جانکاری دی ہے۔
انہوں نے اپنے رابطے میں آئے ہوئے لوگوں سے آئیسولیٹ ہونے اور ضروری احتیاطی تدابیر پر عمل کرنے کو کہا ہے۔
وہیں کانگریس کے سینئر رہنما و جنرل سکریٹری دگ وجے سنگھ بھی کورونا مثبت پائے گئے ہیں، انہوں نے خود کو گھر میں کورنٹائن کرلیا ہے۔
اطلاعات کے مطابق شرومنی اکالی دل کی رہنما ہرسمرت کور بادل بھی کورونا سے متاثر ہوگئی ہیں۔ انہوں نے بھی ٹویٹ کرکے اس کی اطلاع دی ہے۔
خیال رہے کہ نئے زرعی قوانین کی مخالفت میں انہوں نے وزارت سے استعفی دے دیا تھا جس کے بعد وہ مسلسل کسانوں کی تحریک میں حصہ لیتی رہی ہیں اور نئے قوانین کے خلاف اپنی مخالفت درج کراتی رہی ہیں۔
